63 varsh swatantrata ke,
21vi sadi mein Bharat desh ka ehlan
Mera dil aaj bhi kahe…
Mera Bharat mahan…

1857 ka woh prahar,
Rani laxmi bai aur kaiyon diya balidan…
Tab bhi thi har desh wasi ki pukar,
Mera Bharat mahan…

Bhagat, Rajguru, Sukhdev aur Azad…
Inquilab se kiya angrezon ko pareshan…
Suli chadhte samay bhi thi unki dahad…
Mera Bharat mahan…

Satya aur ahimsa ka marg darshaya… Bapu ke satyagrah mein sare desh ka yogdan…
1947 mein angrezon ko bhagaya …
Nehru ne kaha Mera Azad Bharat mahan…

Jate jate angrezon ne kiya batwara…
Hindustan bana Bharat aur Pakistan…
Parivar bichde par zinda tha Bhaichara…
Tabhi bhi yehi tha nara Mera Bharat Mahan…

Batware mein fasaa rajya Kashmir ka…
Is bat pe abhi bhi lad rahein Bharat Pakistan…
Kargil ki jung aur mahol atank ka…
Phir bhi mera Bharat Mahan…

Gareebi, Bhukmari se pisa aam admi…
100 mein se 99 beimaan…
Cwg aur kai ghaplon mein fase neta jaise Kalmadi…
Phir Bhi Mera Bharat Mahan…

Yuva peedhi jaago, karo andolan…
Desh ke vikas mein do yogdan…
Badhao bhaichara aur apna-pan
Tabhi sach mein hoga Mera Bharat Mahan…

Posted from moBlog – mobile blogging tool for Windows Mobile

Advertisements